وعيني عشقت … بقلم الشاعر خالد عبد المعطي

بلاش تندهى عليا
بلاش تسأليني بكام..
..
ببيع اشواق و حنيه
و ابيعك و اشتريك يا غرام..
..
فنان فى الرسم ع الميه
و شاطر فى بنا الاوهام..
..
و واخد الهوى تجاره
و يكسب و مكسبى خساره
و دكانى ماليه احلام..
..
بلاش تندهى عليا
بلاش تسأليني بكام..
..
انا اللى فى الحكاوى زمان
حكوا عنى و قالوا كتير..
..
ساعات اكون افقر انسان
و ساعات للسندريلا امير..
..
و ساعات لست الحسن
اكون شاطر
و بايدى بكتب الاساطير..
..
و اعدى بحور و اخاطر
و بطوى فى الغرام مشاوير..
..
و عينى عشقت كتير و كتير
لكن قلبى عن هواهم صام..
..
بلاش تندهى عليا
بلاش تسأليني بكام..