كلمات الشاعرة 

حسنه محمد

مع أنك بعيد عني…. 

شوقي ليك بيزيد

وبعدك مجنني….. 

طير عقلي مني….. 

خلاني مش أنااااا…  

دوقني طعم الهناااا…. 

ياريت تطمني…. 

،،،،،،،،،،،،،،،،،،،،،،،،،،،،،،،،،،،،،،،،،،،،،

بالذمه دا أسمه كلاااام 

تجيني في الاحلام….. 

اصحى الاقي نفسي 

ماسكة سراب…… 

 فى سراب…… 

واتاريني كنت بحلم….. 

وغرامك طلع اوهام…… 

،،،،،،،،،،،،،،،،،،،،،،،،،،،،،،،،،،،،،،،،،،،،، 

بالذمه دا اسمه كلاام

بتعدي ولا بتسلم…. 

وكأننا اغراب….   

ولا كنا يوم احباب…… 

شوف قسوتك عملت ايه فيه….. 

قلبي بقى حجر والدمعه…. 

نشفت في عنيه…… 

ونسيت معاها الحنيه…… 

ياسيدي حن وكفايه آسيه….. 

،،،،،،،،،،،،،،،،،،،،،،،،،،،،،،،،،،،،،،،،،،،،،

بالذمه دا اسمه كلام 

راح فين الغرام….. 

وكل الملاغيه…… 

راح فين الهيام….. 

استكترته الدنيا عليه…. 

شوف انا وانت بقينا فين

و هانت العشرة ياعنيه….. 

،،،،،،،،،،،،،،،،،،،،،،،،،،،،،،،،،،،،،،،،،،،،،

بالذمه دا اسمه كلام

سيبني في حيرة ونار…… 

بقاسي ليل ويا نهار….. 

من كتر عذابي في بعدك

القلب بقي محتار…… 

والعقل كمان اتحير….. 

كترت فيه الافكار…… 

،،،،،،،،،،،،،،،،،،،،،،،،،،،،،،،،،،،،،،،،،،،،،

بالذمه دا اسمه كلام

مليت الانتظار….. 

ودقت عذاب ومرار….. 

عدت سنين وسنين…. 

نسيت فيها انا مين….

جوايا شوق وحنين….

ودمعه مداريه…….. 

،،،،،،،،،،،،،،،،،،،،،،،،،،،،،،،،،،،،،،،،،،،،،

بالذمه دا اسمه كلام

راح الحب وضاعت

 معاه الحنيه…. 

اااه يانا ياصابرة ياوحدانيه…… 

وحشتني أيامك…. 

ياوحشني رد عليه…  

ابعتلي طيفك وهمسه حنين…… 

ترد روحي فيه……. 

كلمات الشاعرة 

حسنه محمد