كلمات الشاعرة 

   منى الفؤاد

                 متحيرين …

………..

متحيرين وبيسألوني

لما شافوا العين بتنزف م الألم

دمعة وجع 

إيه السبب

مستغربين ؟؟؟

ازاي وليه كتر السؤال؟؟؟

وانتو السبب

ليه العجب ؟؟؟

ليه تجرحوني وبعدها بتمدوا ايدكو تطبطبوا

دا انا قلبي هده الحزن من ظلم البشر

جايين تقولوا ازاي نزعل ف القمر ؟؟؟

الله أمر

وانا مش بإيدي ابدل ف القدر

راضية بحياتي 

بحلوها وبمرها

لو شفتوا دمعة ياريتكوا عني ما تسألوش

هي يادوب حبة رتوش فوق الرموش

زي البشر

ما بيرحموش…

كلمات الشاعرة 

 منى الفؤاد