وحياة الورد اللى تفتح

كلمات الشاعر
يوسف المنفى

وحياة الورد اللى تفتح فى جمال خدك
وحنان القلب اللى ما دور ووقف عندك
حبيتك حب ما حبيتة لحبيب قدك
دا أنا عاشق فرحك وهواكى وتراب أرضك
انا عاشق روحى وأنا معاكى صاين عرضك
انا عايش حبك جوايا كاتب إسمك
مجنون بحبك على صدرى راسم رسمك
وانتى ما بين رمشينى سكنتى
إنتى بلادى وإنتى مدينتى
إنتى الشط وفيكى المرسى
أبعد اقرب أبدٱ متأنية
لو تبعدى ولاتقربى أنا دايب فيكى
لو هتشرقى ولاتقربى أنا مشغول بيكى
بس تعالى نصطفى ساعتين صفا
قلبى اللى منك بعشقك
أبدٱ ما يعرفش الجفا
دا عايش فى حضنك من سنين
بيحلم ومتحلى الدفا
بس انتى غيبتى إرجعى
وحياة حبيبنا المصطفى
وإن كان على بعد الحبيب
هيدوب يدوب لحظه صفا

كلمات
الشاعر يوسف المنفى