شعر إيه!

كلمات الشاعر
عبدالله نظير

والشعر أصلاً لايبالي
باللي راح يحصل لي
أخرة عشقي ليه
باللي وصلني الرصيف
أرقد عليه
باللي شيلني هموم العالمين
لجل ادافع عن قضية ..
تبان بتاعته
هو من وكلني ليها باستطاعته
واللي بكاني لبكى
ناس مش بتوعي
واللي خلى دنيتي..
ما تكونش طوعي
لجل اقول كلمة…
تبان من مفرداته
يعني لما اكتب
عشان الشقيانين
ولا اتوه وسط الغيطان
أزرع حروفي
واما اموت مالخوف
ولا ابينش خوفي
أصل من طبع القلم ..
مايكونش خايف
شعر ايه …..
لو حد منكم لسه عارف
شكوة الشاعر ف عز الليل لروحه
من وجع أعصاب مضاعف الف كرة
من عينين لو حتى من غير نور بصيرة
تلمح التفاصيل مع العالم لمرة
أما بينه وبينها بيشوفها ف مسيرة
من حمول فوق كتفه ..
دايما من خياله
من شجاعة تكلفه فوق احتماله
عن أمل مستنظرة ..
وتخيب أماله ..
كل ما يشوف الميزان …
مقلوب يا حسرة
كل أشياع الدروب بقيت سماسرة
اللي تاجروا بالثقافة وغربلوها
واللي فاردين حضنهم بيسكنوها
واللي باصيين للحياة وبيحسبوها
قد ما تنافق هتوصل للمراد
كل دي أمراض اكيد بنعاني منها
كل دي اوجاع بتبرم بين دماغي
وأما اقول الشعر هايحررني منها
يطلع الشعر إبن بنها ويلوي بوزه
هو مش من حقي أعوزه ..
يكون سلاحي
هو مش من حقي اتباهى بكرامته
الحقيقة المرة بانت يا بن عيسى
كل أوجاعك ماهيش غالية ورخيصة
فوق رصيف الكلمة …
روح بتنز شعرك
الحقيقة المؤلمة في البورصة سعرك
لم نساوي بشعرنا بينهم مصاري
حتى لو كانت حروفنا …
كنوز ثمينة
ياللي شايفين إننا مش محض قيمة
إقروا سيرة أي دولة
حاولوا تقروا لو محاولة ..
شوفوا مين بالمجد أولى
قبل ما تحسابوني اخلص من حروف

AbduAllah Ali Nazeer
الصوره المرفقة للشاعر / كريم عيسى
والذى بعد طرح قصته على مواقع التواصل الإجتماعى
تأثر الكاتب واستوحى هذه القصيدة.