بائعة بقلب أخضر

بقلم الكاتب الصحفي
محمد السيد

أقبلت الحاجة بهية على الرصيف الرئيسى لاحد الشوارع عارضة ماتبيع من قليل الخضروات التى تكسب بها قوت يومها .

يارزاق ارزقنا وافتحا فى وشنا عشان خاطر البت التعبانة فى البيت .. تقصد ابنتها الصغيرة كانت تشتكى من حمى .. ياكريم يارب . خضار خضار جرجير خس .. هكذا نادت الحاجة بهية على بضاعتها .

أقبلت احداهن .. صباح الخير يا حجة بهية .. معاكى ايه النهاردة .

اهلا يا ابلة سوسن .. صباحك نادى . فيه كل إلى انتى عاوزاه . اؤمرى بس انتى ..

عوزة ربتطين خضرة وربتطين شبك . ناوية اعمل ماحشى النهاردة..

افضلى ياست الكل .. دا انتى تؤمري..

يزيد فضلك . كام ياست الكل..

هما ستة جنيه. وعشانك بخمسة .

وليه عشانى بخمسة . احنا جايين نخسرك ولا نكسبك . طب ربطتين خس يبقى كله كام يا ستى

كده يبقى تسعة يا ابلة سوسن .

طب اتفضلي.. أدى عشرة . وخلى الباقى . انت ياما بتكرمينى .

ربنا يكرمك ويعلى مقدارك يا ست سوسن .. الف هنا ..

مضى بعد شراء الابلة سوسن ساعتان . لم تبع الست بهية شيئ من بضاعتها .. خضار خضار . خس خس .

يارب .. فيه ايه العملية سكتت كده ليه . البت عاوزة تكشف .
هكذا كلمت الست بهية نفسها . مذكرة نفسها بابنتها المريضة .

بعد دقائق . اغمقت السماء بفعل السحب فنحن فى فصل الشتاء ..

انقبض قلب الست بهية قائلة للسماء . يارب لسة مابعتش حاجة . والنبى تكرمنا يارب واجبرنا عشان الغلبانة إلى فى البيت تعبانة.

دقائق وامطرت السماء .. ليه كده بس .. يارب . . هكذا قالتها الست بهية بمرارة .

لم يمضى الكثير . وقفت سيارة ليمونز سوداء أمام السيدة بهية ..

قالت السيدة بهية ملوحة بيديها للسائق.. بعيد شوية ربنا يسترك .. لم يلتف السائق لها وفتح باب السيارة واقبل عليها .

قالت السيدة بهية فى نفسها .. داهية ليكون زعل احنا مش قد العالم دى .. ولا يكون جاى يشترى بس هى الناس بتشترى من إلى زينا ..

السلام عليكم.

وعليكم السلام يابيه .

انت قاعده ليه هنا ياحجة .

بنسترزق يابيه .

بس الدنيا بتمطر .

ولو عندى عيال عاوزة تاكل

طب قوليلى معاكى كام ربطة من دول .

يابيه قولى عاوز كام ربطة وانا اديك .

ريحينى بس كام ربطة .

طيب يابيه . هما يجو تلاتين ربطة .

يعملو كام ياستنا

حولى خمسين يابيه .

طب خدى المية دى وروحى.

يبيه متهزرش انا … وقبل أن تكمل

اتفضلي الميت جنيه . بس شرطى تروحى لان الدنيا حتزيد فى المطر .

ماشى يابيه نروح منروحش ليه .

اتفضلي الميه

طب مش حاخد الخضار يابيه .

لا مش مشكلة .

طب والنبى تاخد الربتطين دول منى

ماشى ياستى عشان خطرك مش حكسفك . قومى بقى روحى .

قامت بهية . وهى تشكر الرجل . وتشكر الله .. يا مانت كريم يارب .. يا منت كريم يارب .. اكشف على البت بقى ..

محمد السيد …