عفاف احمد التركي تكتب من هنا ورايح

من هنا ورايح..طرايح
بالونات هتطولها شكّة
كله ياخد روحه سكّة..
احنا مش ناقصين جرايح
….
من هنا ورايح..شرايح
كل طابق فاضحة طابق
واللي أخّر نفسه..سابق
والوشوش مكياجها..سايح
…
من هنا ورايح.. وشايح
لو فرَق قبلك..هاقابلك
ع الرفوف رصّص تنابلك
ربما ..تأتي الفرايح
….
من هنا ورايح..روايح
جايه بتزّف البشاير
جايه ..بتلِم الخساير
تعتلي..كل الصرايح
…
من هنا ورايح..مدايح
فقّروا..ع الدف جايز
تطلعوا بكل الجوايز
واغرقوا من غير فضايح.
……
……………………………..
كلمات الشاعرة / عفاف أحمد التركى