مايسه العشى تكتب : إنت روح كل الكلام

إنت روح كل الكلام

يعنى إيه أصبح لوحدى
والقى طيفك عنى غاب
يعنى إيه ألقى قلبي
والقى روحى فى اغتراب
كان مابينى وبينك انت
ألف معنى وألف باب
النهارده خلاص ياعمرى
كل شيئ أصبح سراب
كل شيئ ف الدنيا بعدك
بعد بعدك فيا مات
كنت باتمني ان وعدك
يلهم الروح الثبات
واني أقدر يوم اساعدك
يرجع العمر اللي فات
والنهار بالفرح يطرح
وابقي روح سكناها روح
وابتسم من غير جروح
بس قلبي لما باسرح
وافتكر بلقاني ابوح
وارسم الصوره الملاك
والقي روحي حاضنه روحك
واحمي عمري من الهلاك
وامسح الدمع اللي جاري
تتكسر نظرة عيوني
وابتسم علشان اداري
لهفتي خايفه يلموني
أو عليك يوم يسألوني
ياحبيبي رغم بعدك
إنت في القلب السلام
إنت نور جوايا ساري
إنت نبض الشوق ف داري
شوقي عمري كل أمري
صمتي ضحكي ولما باحكي
إنت روح كل الكلام

كلمات الشاعرة / مايسه العشى

Maysa Al Ashy