خلص الكلام  …

كلمات الشاعرة 

مروة أحمد طليس 

دبلت سنينى

 ما بين سطور 

(أحلام ورق )

وف (قانون الاشتياق) 

العمر تاهت خطوته

و منى اتسرق 

والقلب من كتر البكى 

صابه العجز

والبرد عشش 

جوا أحضان الغروب 

(أغصان حجر )

ولفين هنهرب من مصيرنا

وم القدر 

ولأمتى هصرخ جوا منى

من الوجع 

م (انا مش نبى)

ولا كان ف يوم الحزن 

فكرى ومذهبى

وجع السنين اما اتولد 

متخلقش من العدم 

دا وعد مكتوب ع الجبين 

والدمع سايل ع الخدود 

مهزوم حزين

ودع حبايب 

كانوا السند 

كانوا الامان 

كانوا بالنسبه لنا بكرة 

نور يشقشق 

ع العيون الدبلانين 

يملاها فرحة

تطرح غنى وحب وحنان

لكن القدر قال كلمته 

حكم القدر سهم ونفذ 

ومفيش مفر من القدر

خلص الكلام

كلمات الشاعرة 

مروة أحمد طليس 

Marwaa Ahmed