ياعلي
الأديب رياض كامل سواري/العراق
علي ابخبزة شعير اينام شبعان
ماغرته الدنيه ولا أمامه
علي عنده الخزينه وبيت الاموال
وزعها عالفقر طيب كلامه
يشد بطنه علي لوشاف جوعان
يقدم الزاد للجاع بكرامه
بوكتك ياعلي ماجانو ايتام
ولابيهم شعر ذله وندامه
ابو الهم صرت يالچفك اولام
چفك عالفقر سيف وشهامه
علي دنه الخبيث وصله وياه
ويعرف بالنوايه الظامها الثامه
ابن ملجم طبر حيدر عله الراس
التبناهم علي رجعو يتامه
رياض كامل سواري
Discussion about this post