اتصاحب قلبي علي قراري 

…….. ….. ……

كلمات الشاعرة 

هيومة حمزة

باكينام حمزه

من يُوم مابعِدنا

ماعادتش قصايدي تفكر فيك

ولا جابت سيرتك في حروفها

مش عاوزة عيونك تلمحها

أو مره بالصدفة تشوفها

مقتنعة تماما بفراقك

وبقفلة باب الشُوق بإيديك ..

إتراهنُوا عليك …

وبفُوزهُم أصبَح إحسَاسِي

من يُومها

وهُوا حَزين مَجرُوح ،،

مش عايز يكتِب عـ الماضِي ،

ولايِفّتح تاني في أي جُروح ..

مابقتش خلاص ،

سِيرتَك بتشاغِل كلماتي

ع الكرسي العِاشِق في البلكون ،،

ولا عادِت أشهر حكاياتي بتلّمَح بهوايا المكنون ..

أصبَحت غريب علي طرف الكُون

وباشُوفَك أشبَه بالعادِي ،،

إحساسِي الدِايب والمجنون

سبحان الله

أصبَح هادي ..

وبقيت أعرف أدوس على قلبي

وأبرمج في البعد الأحاسيس

وباسيطَر علي كل مشاعري

ومنيش محتاجه لنبضي ونيس

مابقتش خلاص

أمواج الحب بتغويني

وأسهَر وأتمعشَق علي الشَاطيء ،،

غيرت الصُورة اللي فـ عيني

وإتصحح مفهُومي الخاطيء ..

ورجِعت لنفسِي ومن تاني

إتصاحِب قلبي علي قراري ،،

حَررت قصَايدك من حُبي ، ومـ الحِبر السِري…في مشواري ..

أصبَحت بِعيد عن أفكاري

بِردِت ناري… والقلب أكيد …،،

مش مُمكن يسمح لك تُسكن

شُريانُه التاجِي وأي ورِيد..

كلمات الشاعرة

هيومة حمزة

باكينام حمزه