كلمات الشاعرة

 ✍️ شيرين ابو عميرة 🌺

معقوله في الضحكه وجع

مدت بجسر الصبر خدع

مابين جفون الأرض انخدع

زي باقي البشر

كان عنده شريان وانكسر

ماشي في عكس الإتجاه

هربان بحبة دم خفيفين

وبعتر الباقي في السكك لمين

والضحكه حالفه مية يمين

وفي خانة القلب الشمال

اصبح مافيش غير الفراغ والاحتمال

متعارك مع اليقين 

وملامحه مش لايقه عليه

وعمل مزاد والسعر زاد

قرب يابيه كرباج بيلسع في البعاد

قرب يافندم على العناد

والوعد في خانة البدع

ساكن هناك متفرقه الخطوه 

معقوله في الضحكه وجع

مدت بجسر الصبر خدع

مابين جفون الأرض انخدع

رغم اجتناب الذنب بنشوف الوَدع

رغم المعاصي والذنوب بين الضلوع

الف صلاه رغم امتثال الشموع

في حته ضلمه في موكب الدموع

زي النهار ما ليه ضلوع في الف مركب

من غير شراع من غير قلوع

والأرض لسه متعشمه في يوم الرجوع

والصبح متكفن بالف اه والشمس 

لسه مغرمه عاشقه النبوع 

والمياه شالت حملها بين الفروع

واهو فرع مال وفرع انكسر 

وفرع ثابت ع الشجر

حالف يكمل للندى فرش وغطا

توصل ثماره لبعد مدى

اياك وقلبك ينكسر

اياك تعيش مختصر

ريحك غريبه في موطنك

في الاختلاف حتلاقي 

نفسك بين البشر 

ولاحد يوم يقدر 

يدوس علي نفس 

تأبى الانكسار 

ونفس ثارت على الإنهيار 

         كلمات الشاعرة

 ✍️ شيرين ابو عميرة 🌺