بعيد عنك حياتي عذاب

.. وليل سهران
بعين طله على الأبواب ..
.. ولهفة قلب بيغنى
مع الحيره مع الحرمان …
… بيسألنى ؟؟
وليه الغربه وخدانى مع الأغراب ..
.. وليه دايما أنا والدمعه
ع السكه بقينا أصحاب ..
.. .. (غلبني الشوق ودوبني)
.. وأنا برسم على حيطان
الهوا صورتك ..
.. وانا حاسك رنين قلبى
اللى عذبنى ..
.. وانا بسمع حروف اسمك
.. .. فى دقاته
وصوت وجعه وآهاته ..
.. .. ( وليل البعد سهرني )
.. وانام وأصحى مابين أحلام
تفكرنى …
.. برحله طويله عشناها
وكام ليله سهرناها ..
.. على كفوف الهوا والبحر
وضى البدر تالتنا ..
.. ورابعنا نسيم الفجر
.. (طول عمري بخاف من الحب) ..
… (وسيرة الحب)
.. بخاف البعد لايطول
ويجى الليل من الأول ..
.. .. وأنا العطشان
وبتمنى أنول القرب …
.. وأتكحل بنظرة عينك الدفيه
تدفى القلب ..
.(وقابلتك إنت لقيتك بتغير كل حياتي).
.. وعشقتك إنت وحبيتك
وبعيش بجناحك أفراحى ..
.. بتغلب على كل جراحى
وعلى كل آهاتى ..
.. معرفش ازاي
.. أنا حبيبتك معرفش إزاى
ياحياتي ..
.. ولاعنت بخاف وجع الأيام
ولا بحسب لليالى الصبر ..
.. وبعيش انا وانت الأحلام
معرفش إزاى أنا حبيتك ..
.. ورسمتك أفراح العمر
.. … (( ياحبيبى ))
.. أنا بينى وبين الجنه
حدوتة و مافيش مسافات ..
.. عصفور رقيق الخطوه بتأنى
وبيسابق شعاع الشمس ..
.. وشايفك فارشه أحلامك
بتتوشوش مع الضله ..
.. .. وصوت الهمس
صحيح مشتاقه للنظره ..
.. وايامك بتستنى .. عيون بكره
انا صاحى !!!
.. يجوز بحلم ..
.. يجوز من لهفتى تايه
ولا بسمع ولا بفهم ..
.. يابوى ع الدنيا
ف وقت مابتضحك ..
.. وترمى الفرح
.. يابوى ع الدنيا ف وقت مابتاخدك
بعيد عن سهم كان قاصدك …
.. .. يصيبك جرح
.. ياشجر التوت أوانك عام
وطرحك دام ..
.. مابطلتش فى يوم الطرح
صحيح أنا لسه متكتف …
… ومش عارف أعديلك
لكن بكفايه أنا شايفك ..
.. حمار وبياض على خدك ..
.. وبدر بدور وست الحسن
بتوضي جبين ليلك ..
.. ماتسألنيش عى الأشواق
عن الغيره .. عن الحرمان ..
.. وسيبنى أعيش وانا مشتاق
أغازل فيك خدود قمره ..
.. واكتب لك قصيدة شعر
جنون القلب بيقرب يادوب شعره ..
.. وهاتجنن .. واكون عبره
وسيرة عشق .. للدرويش ..
.. وأهل العشق والعشاق ..
.. .. ..
كلمات الشاعر
الناصر صلاح الدين