كلمات الشاعرة 

سندريلا الشعر / أسماء كامل

انا قلبي لما اتوأد.. 

نزَفِت كفوفه اشعار

كفِّـة محبة تزووم..

كفِّـة هموم واسرار

أنهار..

بتجري في الوريد

بتزيد..

والعُمر حالِف،

يبقى قلبه حديد.

شَمع الصِّبا قايد..

في العُمر بيعافر

بس الزمن قادر،

وسنينه بحوافر ..

جاير على شطوطنا،

في براحها بيحدِّد

كل اللي طالُه الريم..

في الغيم وهيمدد

ااه م الزمن لو دار،

مدار العمر يتلاشى

كل اللي ساكن دار..

على عشُّـه هيعدِّد

ياعمر القلب

يا موازي لخط الحزن

مسارك إمتى يتغيّر!!

ولّا مصيرنا الدفن؟!

#وأد_القلوب

كلمات الشاعرة

سندريلا الشعر / أسماء كامل