كلمات الشاعر

الناصر … صلاح الدين

هيا مين ؟؟ ..  

.. اللى تشبه للحصان

أما يرمح فى البلاد ..

.. على دار ..

.. والخلايق فى إنتظار ..

السماحة والإبتسامة ..

ع الحصيرة .. وقاعده بلدى ..

.. الغلابة قالوا ..

هيا مين .. ؟؟

.. الطيبين قالوا لقمه بالكرامة ..

.. و الجبيرة

تداوى كسر الغارمين ..

.. اللى جايه بقلب ام ..

لما قالت اليتيم دا يبقى ولدى ..

.. مش هاسيبه للسنين

الخلايق قالوا مين ..؟؟

.. اللى زى الفرسة جايه بحمل خير

.. اللى جايبه من أوان القمح سبلة

فى كل إيد ..

.. الوعاية اللى فيها زاد ميه

تسقى منها كل طير ..

.. القريبة اللى جايه من بعيد ..

هيا مين .. ؟؟

..

.. الغلابة ماصدقوش ..

قالوا ..

ماحنا توهنا عن عيون المحسنين !!

.. واتنسينا فى الحوارى الدبلانين

وأما قالوا الطيبين ..

.. تعالوا شوفوا .. هيا مين ؟

هيا واحده مستعينه بالمعين ..

.. قاصدة دار الموجوعين

.. الغلابو كلموها ..

حسوا فيها قلب تانى ..

.. فتحوا بابهم ضيفوها ..

واكرموها ..

.. بدعوة خالصة م القلوب

لبسوها أحلى توب ..

.. توب عباده المتقين .

.. اللى زرعوا الإبتسامة فى العيون المقهورين ..

..هيا خطوة تساوى دنيا فيها جنة ..

.. التراب فى الأرض حنة ..

.. للى ماشى فى أى سكة

رايحه دار المحتاجين ..

.. الغلابة .. .. لما عرفوا هيا مين

بيكلموها يطمنوها ..

بصوت دعاهم من بعيد ..

.. إلهى تربح نصرة خالصة

فيها صحة وفيها عافية ..

.. للى قالت اليتيم دا يبقى ولدى

مش هاسيبه للسنين ..

كلمات الشاعر

الناصر صلاح الدين