منيش عايزه

…….

بقلم الشاعرة  منى الفؤاد …

مانيش عايزه رموش عينك تغطيني

ولا تحضن قساوة ليل يموتني

ويرجع تاني يحييني

ولا غربة ف زمان قاسي

ولا دمعة ملت كاسي

ولانيش عايزه من قلبك شوية عطف

ولا تدور على دقات تكون هربانه من قلبي

وتقطفها كما الوردة اللي دبلت قطف

أنا محتاجة حبة شوق

تدوقني الهنا كله واقولك دوق

نكون اتنين لكن عايشين بروح واحدة

لو اتنفس ألاقي الراحة في عيونك

تبشرني بأحلى كلام بإني عايشة علشانك

وإنت جرب اتنفس

تلاقيني بعيش جواك في أحضانك

بلاش تبعد لأن القلب متعلق بأنفاسك

لإن الروح هنا عايشة بإحساسك

أنا أمك

أنا أختك

أنا في الشدة من أهلك ومن ناسك

بلاش تبعد

بلاش تجري ورا ظنك ووسواسك

.ً…………

بقلم الشاعرة ….منى الفؤاد