رمانة الميزان
للشاعر إبراهيم رضوان …
و كونتي لما صونتي العهد
رمانة ميزان ليا
و جسر الصبر. لما القبر
كان بينادي عشاقك
سافرت و كان في نفسي
أشتري ليكي وزن ليا
جرام ناقص من الألماظ
وقاللي رحلتي في براقك.
لقيتك تحت نخله عتيقه
قاعده تظغطي العصافير..
و مش لاقيه لحاف مقطوع
يغطي القطه م السقعه
تحوم حدايه فوقك
تخطف الكتاكيت عشا للغير
تسيبلك جلابيه قديمه فيها 900 رقعه
تعبتي معايا م التعابين و م الخفافيش و م الدبابير
من القطران إذا نقعونا فيه يا حبيبتي 100 نقعه
أنا راجع
إذا رب الوجود و الكون أذن ليا
عشان أخلط في ضيقي م الحياه و الناس مع ضيقك
كلمات
الشاعر ابراهيم رضوان
