كلمات الشاعر
معوض حلمى
أنا فلاح وعنـدي شـعور
فكري عمـار وضـد البور
باشد الخيط وبابني الدور
وبامسح م العيون دمعات
واولع م الحروف شمعات
مع الساقيه بالف وادور
ماليش ف التوهه واللذات
علامي واخده من فاسي
وباكتب عن هموم ناسي
ولاضيــعت يوم واجـــب
ولاحـــاجب آدان النــور
بنـــور الحــــق متـوضي
أنا سـارح عــلى الســكه
ورايا الشـــمس بتـــغني
واشـوف الـزرع بيتـمايل
ونايم طارحـــه ف النني
باجيب الفجر م العتمات
وباهدي الغنوه للنجـمات
بلـــون الــزرع متــــحني
ماليش ف التوهه واللذات
ماليش ف التوهه واللذات
ـــــــــــــــــــــــــــــــــــــــــ
Discussion about this post