قال إيه صحاب

بقلم الشاعرة منى البابوري
لا لينا في الصحبة
و لا في الصحااااب
و حوالينا ناس كتير
لكن على طول اغرااااب

خلاص سلمنا للقدر
و قفلنا على روحنا البااااب
سبنالهم المكان و بعدنا
و من غير ذكر الاسبااااب

المهم اختارنا الوحدة
اكيد ارحم من العذااااب
مش بيقولوا في البعد راحة
و لو حتى كان تحت الترااااب

ربنا قال ما ترحوش للتهلكة
و هو ادرى بالسؤال و الجوااااب
احنا صحيح بشر و مش ملاك
بس بنعتذر وقت اللزوم
و ربنا تعالى رحيم و توااااب