عن تجربتي أنا حابة أحكيلكم …

كلمات الشاعرة … داليا حامد

عن تجربتي انا حابة أحكيلكم
من الحيرة وكثر التفكير

‎في الدنيا وقصتها الدائمة
‎مابين الطيب والشرير

‎ شوفت عجائب مالهاش آخر
والله ومالهاش تفسير

شوفت جميع أنواع العالم
‎شوفت الدنيا بوش خطير

‎شوفت اللي يموت فيك ويحبك
‎واللي يموت منك ويغير

‎شوفت اللي بيأذيك متطوع
‎وشوفت اللي بيحميك من الغير

‎شوفت اللي يبيعك في ثواني
‎واللي بيخلصلك بضمير

‎شوفت الأندال وقت الشدة
‎واللي يهيصوا في وقت الخير

‎شوفت الطيبة بالمجاني
‎والطماع والاستغلالي
‎واللي بيدي بدون تفكير

‎شوفت عجائب مالهاش آخر
‎والله ومالهاش تفسير

شوفت الدحلاب المتحور
ازاي عَل طول جلده يغير
وبيتلون حسب السير

شوفت الكداب لما بيحلف
والخاين يوعد وبيخلف
شوفت الحاسد لما يركز
ويجيب داغك من التفقير

شوفت النصاب لما يرتب
أفكاره وينزل عَل الملعب
وينشن عَل إنسان طيب
ويقولك دايما أنا غير

يضرب ويعيط قدامك
يكسر ويقولك انا كسير

شوفت عجائب مالهاش آخر
والله ومالهاش تفسير

كلمات الشاعرة
‎داليا حامد