ياريت

بقلم علي بدر سليمان

مليت من كتر الحكي مليت
وانتي تقوليلي ريتني وياريت
مش طالع بأيدي غير اشتكي
الدروب مسكرة وعبوابها استنيت
الحالة تعبانة والأمور مشربكة
وانتي عالنار عم تصبي الزيت
ضاع العمر شو بينفع للبكي
والحب مش لعبة فيها انا تسليت
كنتي تريديني وتقولي اني لكي
قلتلك فقير والفرح كلو نسيت
كل يوم بكذب عليكي تاتضحكي
تاشوفك سعيدة ولراحتك غنيت
بتذكري يوم عكتفي غصنك تكي
وزهرك الفواح عصدري ضميت
صرتي تقوليلي انك بس ملبكة
وكرمالك انا ياما بأشياء ضحيت
بتعاتبيني اليوم وتلوميني اش بكي
منك أنا رح أفقد الإحساس جنيت
بيكفي ألم بيكفي وجع اضحكي
ياريت ترجعي هاك البسمة ياريت