ياروح ما بعدك روح …

كلمات الشاعرة …عزة أحمد أبوزيد

ياروح ما بعدك روح
والروح
ماهيش باقيه
قلبي اللى بات مذبوح
كان ثوركم فى الساقية
بيلف ومغمض
وحياته مش لاقية
هلهلتوا فى هدومه
وتقولي دي رايقة !
غمضت عيني ساعات
وعملت مش شايفة
وسامحت ناس مش ناس
وقلوب كات جايفة
ولما اغلط …
باقول
والله ما انا خايفة
الشر فى قلوبكم
وانا كت فيه دايسة
ورموز حواليكم
بالغش متوالفة
قابلت ناس عاشقة
للكدب والتدليس
قلبي حزين مكسور
والفرحة فيه تايهة
وحده قلوب اخدته
ورفضت اكون سايبة
مابقتش اعاشر بشر
من غدرهم خايفة
الوحدة من غيرهم
ساعات تكون نعمة
وحدي باكون رايقة
بادخل فى خن الحيط
واتدارى فى الضحكة
راضية كدا بحالى
والله …
ما متضايقة

كلمات الشاعرة
عزة أحمدابوزيد ابوزيد