إحلم ….للشاعرمحمود صبري الصياد.
كلمات الشاعر
محمود صبري الصياد
إحلم كبر كل أحلامك
إعلم
إعلم ان الكون قدامك
ايوه هتقدر وبإمكانك
حقق خطوه أولى وتانيه
انفخ صدرك عدي ودوس
بيني وبينك اكتم سرك
الا عدوك ينسف حلمك
لما يشكه بالدبوس
واعرف ان لابد يقابلك
حاقد ، حاسد ، ناقم ، فاسد
كل دولا مرضى نفوس
إجمد وانشف
إبني ف عشك
اوعي تغشك اي وشوش
ولا يغرك حد بيضحك
مره فى وشك
……
وعشره ف ضهرك يطعن عرضك
ثم يبيعك بكام ملطوش
لما تكون على سلم واقف
لازم تطلع
لو للسما لساك مش خايف
اوعاك ترجع
بص لفوق وأسكن في العالي
تحت الواطي مازال بيعافر
باللي ف إيده لساه كافر
والأفكار جواه مسمومه
جوه وهم شيطان محبوس
إحلم
كبر كل أحلامك
إعلم
ان الكون قدامك
ايوه هتقدر وبإمكانك
حقق خطوه أولى وتانيه
انفخ صدرك
عدي
ودوس .
كلمات الشاعر
محمود صبري الصياد
Discussion about this post