…..*( بلدي )* ..كلمات الشاعر
اسماعيل عبدالهادى ابوالعلا
كلمات الشاعر
اسماعيل عبدالهادى ابوالعلا
يام السمار فوق الجبين
والشمس طارحه ف أرضها
والفجر داب وقت الصباح
والنخل مال من حسنها
والزرع قام صحا الزهور
والعطر يفوح من حضنها
وانت يامصر يام التاريخ
عروسة محدش قدها
************
ياللي شمسك من زمان
فارده كل خير علينا
ياللي اسمك نغمه وغنوه
يام التاريخ يا ضي عنينا
نفدي أرضك نحمي عرضك
بكل شيئ غالي ف ايدينا
ياللي حبك أصله نعمه
ساقها ربي يامصر لينا
************
تعالوا شوفوا معايا نيلها
من زمان راعي الحضاره
من زمان شريان قلوبنا
خيره مش محتاج أماره
واما يوم نادت علينا
كله لبي بالأشاره
لجل مصر تبقي دايما
في العلوم والدين مناره
************
وادي جنودها رجال اكتوبر
عين سهرانه وراية عاليه
حلفوا ألف يمين بالله
تعيشي يامصر دايما حره
وقفوا ف وش الظلم بعزم
كتبوا تاريخ نقشوه بالدم
يحيا جنود مصر ف عيدهم
اللي صنعوا المجد بإيدهم
************
كلمات الشاعر
اسماعيل عبدالهادى ابوالعلا
Discussion about this post