دى أرضنا الطاهرة …كلمات الشاعر اسامه القبانى
كلمات الشاعر اسامه القبانى
دى أرضنا الطاهرة …
أم الولاد السمر …. ..
عروقهم للصبح عرقانه
عيونهم طول ليلهم سهرانه
قلوبهم شمعه للفرحه مستنيه
تنور ظلام الليل ويبقى ضهرية
دموعها عناقيد عنب متحليه
زى عيون أحلى صبيه………
زى شبابيك قلبى الأبيضانى
وقت طلعه الفجريه…………
الديك بيغنى أحلى أغنيه …………
للشمس اللى طالعه بشعورها الدهبيه
غزلاها صوابع بدريه …….. ……..
بنت البنوت الورديه …… ……..
اللى فى خدودها تفاحتين …..
وصدرها كله حنيه ……. ……
قبل ما تصيبه أذيه ….. …..
الأمريكان والقنابل الإسرائيليه
والدبابات اللى شقت عنيها
وملا الخوف إيديها …….
لا قادره تنطق ولا تقول ياعينى
على اللى جرى لى …… …….
ودوب سنيني .. وزود أنينى
دا ذل جانى وما كانش على بالى
مفيش غير كلمه كتبتها فى وريدى
وفى عين وليدى…… ……. ……دااحنا
عشنا النصر وحنموت .. وتحيا مصر
كلمات الشاعر اسامه القبانى
Discussion about this post