قلبى اتوجع
كلمات الشاعرة مايسه العشى
مش عارفه ايه السبب
يمكن عشان
حاجات كتير بتالمه
يمكن عشان ماتت فرحته
ولا حد حس شكوته
حاجات كتير متشخبطه
ومتلخبطه
ولا فيها حاجه تفرحك
ايه ياقلبى بيوجعك
لا فيه امان من الزمان
والا البشر اللى غدر
ماتقولى ايه بس بيوجعك
عصفورك مات فوق الشجر
والورد انتحر
شايف عيون متالمه
ايه السبب؟
قلبى اتوجع
ومشفش فرح من القريب
ولا بسمه حلوه من الحبيب
ولابشره بتحن للسهر
وحضن دافى يضمنا
ضاع حلمنا
كله خلاص راح مننا
مبقاش فاضلى
غير دموع متحجره
تنزف انين تنزف وجع
ورسمه برسمها على السحاب
بقوس قزح متلونه
وفجاه تتحول دموع
ينزل مطر يمحى الحنين
كل السنين ضاعت خلاص
ولا فاضل حتى ذكريات
ولا فرح دام ولو ساعات
وجوه منى قلب اتوجع
ليه يازمن؟
ليه تموت فيه الامل
والفرح مايدوم ولا السهر
قلبى اتوجع
قلبى اتوجع
كلمات الشاعرة
مايسه العشى
Discussion about this post