بقول لك إيه
بقول لك إيه يابو عبدالله
- ماتفك ياخويا وسلمها
وسيبها على الله
وحمولك ع المولى إرميها
قول إن شاء الله
وانا اعمل إيه يابومساعد
الواد درويش اهو دخل الجيش
كان بيساعد
والبنت فرحها خلاص قرب
على إبن مجاهد
مبروك لبنتك سعديه
هيجيها رزقها وبلاش تحزن
وياعم هساعدك فى جهازها
بكرسين ولوحين والطبليه
ونروح البنك اللى حدانا
ونجيبلك منه سلفيه
وتجيبلها كل عزالها
وسدده فى حصيدة الشتويه
هتلاقى امها جايبالها كتير
ومخبياه عند اختها فتحيه
مراتك شاطره مش زى مراتى
نسخه بكربون زى حماتى
مره نكديه
يابو مساعد
دى شيلاك من على وش الارض
وقيدالك صوابعها العشره
وبتساعدك فى الارض
إكمنها مجبتش العيل
وخلفتها بنات
خدنا إيه م الرجاله
غير كلمة هات
*مش ناقصه هموم
وع المولى نقوم نشد رحالنا
هنجيب قرشين حدا واد عوضين
مصاريف الدار
عشوه نضيفه تصلب طولنا
دا كلام ع الراس
راح اجيب الفاس
وع المولى نجيب رزق عيالنا
كلمات الشاعر
ايمن شكرى
