م السنه للسنه بنستناك
وقلوبنا عايشه بتهواك
بفرحه جميله تهل علينا
شهر الخير والتبريكات
بنغنيلك لما تجيلنا
أطفالنا كدا ويا رجالنا
كله بيفرح
كله يغنى
ولبعضينا كلنا بنهنى
يا مجمعنا ليل ونهار
على موايدنا سحور وفطار
ف وجودك العيله ملمومه
والقعده بالخير مزحومه
الله عليك وعلى أيامك
يا معيشنا كتير ف جمالك
صوم بنهار وصلا وقرآن
والتواشيح عايشنها ريحان
وأما المغرب بتقرب تدن
تلقى ودانا قاعده بتسمع
صوت قرآن وبعده أذان
من رفعت والحصرى كمان
والتراويح متقولش عليها
تلقاك عايش ملكوت فيها
شهر عباده والخير بزياده
بتخلينا ف أجمل عاده
بتيجى بفرحه وتمشى بفرحه
زى النسمه ف الليله الصالحه
وأما تقرب كدا وتمشِّى
تلقى قلوبنا عماله تشكى
لفراقك وخلاص أيامك
ليل ونهار قاعده تناديك
متمشيش الله يخليك
يارب ديما ف وصالك
ولا يحرمنا من أيامك
ياحبيبنا ياشهر الرحمن
كلك صوم وصلا وإحسان
كلمات الشاعر
محمود فليفل
Mahmoud Mohamed Flifel
