مابقتشى شاعر بالأمان
و الشعر عذبنى
ميت و عايش من زمان
و وصيتى ياابنى..
إنزل ل بحر الأدب
د انا ليا فيه قوله
العلم بعد الأدب
لا بتانيه و لا أولى
و لا هو درس خصوصى
و لا جمله منقوله
ياللى غويت النسب
شوف أرض معقوله
الأصل مش بمزاد
(آلاءووه و آلادونا)
نقّى البذور و الأرض
و اشقى فى الخدمه
و اللى يهين العرض
بلاه مالوش لزمه
دى اللقمه تحلى
لو غموسها حلال
لو يضيع الشرف
ب إيه يفيد المال؟
ا هل اليمين يا ابنى
ع الجنه سبقونا
و قول لأهل الشمال
(كفايه ..خنقتونا).
كلمات
الشاعرالغنائى طه علي الدين
