. سجال بين
الشاعر الكبير / إبراهيم عاشور
والشاعرة الكبيرة / زينب سليم
سيبني ف حالي …
——————————
لوتسمح خد لك جنب
ماتشيلنيش فيك ذنب
عمال تهرش وساكت لك
وتعبت معاك القلب
.
لوتسمح وقتى قصيَر
والقلب معاك اتحير
فاتفضل سيبنى وحيد
ل أقلب وياك واتغيَر
.
لوتسمح سيبنى ف حالى
لاتقول مالك ولامالى
معرفتك بالخُسران
على إيه، ولا تيجى ف بالى
.
لو تسمح تمشى بعيد
كان قبلك يجى العيد
دلوقت الوقفه اهى واقفه
كان قبلك قلبى سعيد
.
لوتسمح راجع روحك
ملِس على كل جروحك
م الجايز ترجع أحسن
ولسانك يحسن بوحك
كلمات الشاعر
إبراهيم عاشور عاشور
ثورة تحرير
لو تسمح …. تبعد غادي
إياك تيجي … اليامادي
طولت كتير فــ خصامك
وبترجع .. وتقول عادي
وبطول بالي عليك .!!!!
ودعيت ….. ربنا يهديك
وبرغم قساوة …. قلبك
كنت بدادي .. واراضيك
فكرتك يوم ….. هاتقدر
ازاي صابرة …. و بتكدر
لكن لما يفيض بيا ..!!!!
على بعدك عادي راح اقدر
من غير حجة …. وتبرير
هاعلن ثورة …… تحرير
واشوف حالي وأحوالي
ووراك هاكسر 100 زير
خد مني نصيحة أخيرة
لو ناوي …. تعيد السيرة
وتحب فــ يوم أو تعشق
فُضك .. من دي التكشيرة
إوعى تعيشها .. فــ حيرة
وفــ كسرها تبقى جبيرة
وقتها وياك …… هاتكمل
لو على قُلة …. وحصيرة
كلمات الشاعرة
Zainab Selim
