كلمات الشاعر
وائل رشوان
أخر جوله …
والرّوح بـ تطالب بـ محاوله
من طير مكسور باقي منه جناح
مشروع بني أدم مش مرتاح
والدنيا نكاح
فـ بتلعب بيه
ساعتين ترضيه
وبقية اليوم بـ تعذب فيه
تضحك والشيب ينطق فـ عنيه
ما فاضلش فـ عمري ولا محاوله
أخر جوله
ويقولوا ده مات
فاضل من كل الماضي حاجات
فاضل شارع
وجيران وحارات
وبنات وولاد
وشباب مسروق
واصحاب السوء
واغاني كتير مليانه ظنون
وحياه شبهه.. شبهه وبجنون
فـ المنظر أهـ مش فـ المضمون
لكن شبهه
والجاي سراب
الجاي سراب هـ يكون ماضي
والماضي بعيد هـ تشوفه سراب
هـ تحاول لكن ع الفاضي
الواقع أصلآ مش راضي
روح بص عليك جوه الأوضه
نايم وممدد فـ سريرك
عرقك بيشر على جبينك
أهلك واقفين قدام عينك
والرؤيه يدوبك شفا سواد
ما إنتاش شايف
ما إنتاش شايف غير ماضي إتعاد
وملامح ناس كلها إحساس
بالحزن بتبكي على دموعك
أخر توقيت ليك فـ شموعك
قام صاحبك بين عينك باسك
بيودع نفسهُ فـ انفاسك
ويسمي عليك بـ إسم الرحمن
صوت القرأن خارج بآيات
بتقول إن إنت خلاص بـ تموت
وملاك الموت داخل م الباب
بـ يخطي وجايلك وفـ ثانيه
هـ يخلص روحك م الأسباب
وهـ تخرج خالص م الدنيا
ويقولوا وفاه
كلمات الشاعر
وائل رشوان
Wael Rshwan
Discussion about this post