بقلم الشاعر … الحن طليس
أخدت إيه منك أنا
غير
حبه الم و جراح
حبه دموع متجمعين
جوه قلبى والهموم
انا اللى حلمت معاكى
واتحديت
وعشانك ع الألم عديت
ومهما هواكى غاب عنى
لغيرك مايوم حنيت
برغم إن انتى تعبانى
و بايعانى و ليكى شريت
وما لقيت منك غير جراح وأسيه
بتحرك كل المشاعر فيا
وعمر الفرح مايوم زارنى
وقالك كفايه يابهيه
على طرف نن العين
بدت دمعة
تلوم ع الدنيا عمايلها
وبتحكى الحكايه
تفاصيلها
وازاى نطت لجوة القلب
وكيف قدرت تروح للعين
وانا رافض انى انزلها !!!
امتى بس تقربى
ولجرح قلبى هترفضى
انا اللى بقلبى دا لامسك
واقرب ليكى من نفسك
ببات الليل مع عيونك
وبتونس بصوت همسك
واه لو قلبى ضمك ليه
يروح منى ومش بلاقيه
ابات الليل مع عيونك
ويرسم كون هواه مجنون
وتجمعنا المشاعر فيه
ورغم إنى بأموت فيكى
كاره وجودى مع طيفك
و معاليكى
هيجي اليوم وأعيش مبسوط
وأفوق نفسى أنا بنفسى
واخرج نفسى م الحواديت
وأعيش مرتاح …!
بقلم الشاعر … الحن طليس
Discussion about this post