بقلم… الحن طليس
اللى عدى من حياتنا
علمنا ومخسرناش
واللى غيروا فى الوشوش
عرفنكم
اندال ولا تسووش
عجبى عليك يا زمان
فيك الخسيس سلطان
وابن الأصول
عايش فى الدنيا دى متهان
عيشنا وشوفنا العجايب
الدنيا وقت الضيق
هتشوف و هتوريك
مين بالرخيص باعك
ومين بالدهب يشنريك
من لحمك ودمك ناس باعوك
ومين غير تمن
فمتلومش
على اللى من يومين عرفوك
صاحبت صاحب
وأخلصت له النيه
وماليتلو كأس الهنا
وسقيته بايديا
ملالى كاس المر
وسقانى مر المر
بس اللى منه امر
باع واشترى فيا
يالى انت غاوى الصحاب
خد الأصيل صاحب
يصون عيشك وملحك
ويحافظ عليك صاحب
بس مش كل واحد ضحكلك
اوام تعمله صاحب
الناس معادن
والمعدن الحر غالى
ويحكمه أصله
اوعاك تماشى الخسيس
ولا تصاحبه
اللى شبع من بعد جوعه
اوعاك فى يوم تماشيه
ولو هواك منظره
إسأل على أصله
وإعرف طريق الصداقة
قبل ماتماشيه
مسكين وحالى
لامت عليه الناس
لو كان بايدى الفرح
لكنت افرقه على الناس
لكن دا حكم الإله ومنظمه للناس
بقلم… الحن طليس
Discussion about this post