أغسطس 8, 2024الخاطرةنبضك مخيف … الرئيسية رواد الأدب الخاطرة نبضك مخيف … كلمات الشاعر وحيد علي الجمال …..نبضك مخيف …… الموت خطف 100الف حتة .. من مسافة انتظاري للرجوع المستحيل من عمر مربوط في الوتد على سرج مهر الراحلين مااتغيرتش ساعة الزمن من وقت كنا صغيرين القلب مكتوب في الدفاتر طفل شايب عدى فوق الاربعين مفطوم على وجع السنين ماتسرسبيش دمعك في جوفي تعطلي لف السواقي مرهون ومكتوب في البواقي النور طفا وقت الصلاة وانا لسه بخطف م الشتا فرض العيون النعسانين من قلب حضنك كنت مستني التذاكر القطر مشغول بالاماكن جنب شباك السكوت معرفشي ليه كان نفسي اعوم اليافطة مكتوبة عشاني من فوق محطة ذكرياتك ممنوع تصوم وقت الغيوم وساني صوت من قلب ذاتي حاول تقوم دي محطة شوم مافيهاش زمن ولا اماكن مافيهاش مسافر من غير هموم نداهه كانت رابطة راسي فتحت بيبان تصرخ تزوم وظهوري فيكي اضطراري من لما اعلنتي احتلالى وقت انسحابي كان مستحيل اشهد على إقرار جديد عمر التنازل ف الهزايم مايعيش ولا يصبح دليل فتشت كل الموجودين مالقتش موجود حد غيرى وبرغم عارف خط سيرى خبتني فيكي وانتى بتبيعي الطريق مين قطع الورق اللي راسم شكل القصائد في المراكب انا كنت راكن ذكرياتي جنب تفتيش الكمين ومنعت غيرك يستفيد ماتكدبييش ابدا عليهم اعلني حقك وثوري دم شريانك حدودي انت ذاتي والوريث جوه الغيطان عند الهويس هتلاقى اسمك جوه دبله في وسط هيش نبضك مخيف زلزال بيضرب بإستماتة مقدرشي يهزم أو يقرب من فؤادة عتريس بظلمة للجميع لكنه كان راجل عفيف متصدقيش أن الصوان منصوب عشاني ولا حتى صوت الميتين راجع اكيد بس مش لاقي تذاكر كل الاماكن محجوزين سامحيني لو جتلك قتيل كلمات الشاعر وحيد علي الجمال المقالة السابقة مفارقات عابرة تتجاوز القانون ... المقالة التالية خَيْطٌ دَقِيقٌ ...
