أغسطس 8, 2024التقليديبدون أوراق … الرئيسية رواد الشعر التقليدي بدون أوراق … كلمات الشاعرة قوت القلوب بدون أوراق … ————– زمان جداً… ماكانش الحب شئ منكر، ولا صغير، ولا عادي، دا كان ع القلب بينادي يجيله القلب بيهرول لا كان معناه بيتأول ولا بيروح ف ميت سكه ما كانش الحب غير ضحكه بتضحكها القلوب دايما بدون تكليف وكان يطرح ف عز خريف ورود مايهدهاش الريح، وكان بالنظره يتكلم وكان ف الصمت يبقي فصيح وكان حتي من التلميح.. بيبني مدينة الأحلام طيورها حمام شجرها ياقوت ما كانش دقيقه منه تفوت بدون ما يجتمع الأحباب ما كانش بينتظر أسباب.. عشان الكل يتقرب. لكن دلوقتي شايفه الحب كأنه بييجي م الجمرك بدون أوراق ومتهرب، وشايفه قلوب بتتغرب عشان الحب دلوقتي بيتفسر بشئ تاني وشايفه الحب بيعاني من الغش اللي بات زايد، قلوب ع الحب بتزايد وبتدوس ع القلوب علني قلوب بتشوفه شئ فاضح وتكره لو يبان علني وأكتر شئ محسرني😥 باشوف الحب هو الحب لكن.. جوه القلوب واقع وإن زمان ماهوش راجع وقلبي تمللي بيدافع لكن وسط الدفاع خايفه يقع مهزوم. كلمات الشاعرة قوت القلوب Kout Elkloub المقالة السابقة ظل دمعة ... المقالة التالية أيوة هانت ...
