التجاوز إلى المحتوى
كلمات الشاعرة
نورا القاوي
جواب غربه …
تاخدني الدنيا بالاحضان
وترسم حلمي بالألوان
ولون الحب زينها وجملها
وكملها وأنا جنبك
هنا بلون شجر اخضر
وحلم جميل بينفسر
ملايكه محاوطه أحلامي
وأبعتها تروح عندك
أنا في البرد بدفي بصوت همسك
علي صدرك بروح لبعيد
يتوه مني سواد ليلي
ويرجعلي بنور فجرك
علي سطري حروف اسمك
علي الهامش وعلي العناوين
علي غنوه بنسمهعا تصدقها
بتحكي لقلبي عن وجعك
مسافر في السما عصفور
كناري والورود صابحه
وزهره فل ويا ريحان
بتبعت من بعيد ريحتك
تخليني أنا سارح في دنيا زمان
وتزرعني في حضن عيدان
في لحظه القلب يملكني
يخليك بقيت ملكي وأنا ملكك
أخاف الغربه تسرقنا
سنين وسنين وتغلبنا
ويسكن فيا جرح عميق
يدواينا لايشبهني ولا شبهك
وألف صرخه مكبوته على صدري
أحس بتوه وبغربه
وقلبي دموعه زودها
دموع نازله علي خدك
كلمات الشاعرة
نورا القاوي
