اخترت طريقك
…………….
ابعد عنى الله لايسيئك
ما انت خلاص اخترت طريقك
قلبي اللي انت جرحته وخنته
هو كمان مابقاش بيطيقك
ابعد عنى
***
انا بنيانى معاك اتهد
ويا نهاية حب بجد
اما ان قلبي ف يوم اشتقالك
والله لاقيم علي قلبي الحد
ابعد عنى
***
حبك قلبي ف يوم وعصانى
نفسي يبطل يوم يعصانى
واما اخترت طريقك وحدك
انا ع الغربه فتحت بيبانى
ابعد عنى
***
احنا اتنين اختلفوا وراحو
ليه الشوق يترك لي جراحو
من فضلك ابعد وانسانى
خلي مشاعري ف يوم يرتاحو
ابعد عنى
***
غدرك بيا بجد قتلنى
واما وقعت ماحدش شالنى
كنت اتمنى ايديك تسندنى
واللا تجيني ف يوم تسألنى
ابعد عنى
***
انت وجودك ذنب ف عمري
انت وجودك جنبي اهانه
وعشان يوم سلمتك أمري
وانا من يومها صحيح ندمانه
ابعد عنى
***
يعنى خلاص مش عايزه رجوعك
مش هتأثر فيا دموعك
حتى ان جيت تحلف بحياتى
انا قررت اقفل موضوعك
ابعد عنى
***
انت انانى بجد وقاسي
نظراتك جرحت احساسي
غدرك لسّه مراره ف قلبي
بكره تدوق وتجرب كاسي
ابعد عنى
الشاعرة / صابحة ابوزيد
