محتاجك آه
الحب دا يمكن أكذوبة
أو حاله عجيبه من الخيالات
القلب خلاص مبقاش قادر
يقطع مسافات
طاب يمشي ازاي
والنبض بينزف من جوا
محتاج قوه
وادين بتحاوط وتقوي
وقت الأزمات
الحب دا حاله وتعويذه
محتاج تأشيره وكام فيزه
علشان يتحمل بالغيره
ويعيش لساعات
الحب ف عالم بيزيف
عالم مجنون آه ويخوف
جعلوه شعارات
ياحبيبتي الحب ماهوش كلمه
وآهات ودموع لو بالجمله
ولاشيئ ممنوع محتاج عمله
الحب كتير وسط الزحمه
محتاج لسكات
وآهات ف البعد بتوحعنا
ونحس حياتنا بدون معني
نحزن والفرح يودعنا
والقلب بينزف من شوقه
ونحسه دا مات
ياحبيبتي أنا يومي حزين باكي
والحب اللي انا عشته معاكي
وحنين القلب اللي هواكي
محتاج لحاجات
إنك تبقيلي حنين ذاتي
والدرع اللي بيحمي حياتي
وقت الصدمات
محتاجلك آه وكتير جدا
والقلب بيدبل وبيحزن
آه من جواه
كلمات الشاعر / نسيم الزراع
Discussion about this post