كلمات الشاعر 

خالدعبد المعطى

بنحبها زى ماهيه

و ادينا شابكه فى ديل توبها..

..

نعطش نجوع عشقها غيه

و احنا قدرها و مكتوبها..

..

لا يهمنا زاد و لا ميه

ما احنا جمالها و عيوبها..

..

يمكن بنرفع صوتنا ساعات

و نشتكى و نلعن فيها..

..

و أيام فى دمع و غلب نبات

و نار ما ميه تطفيها..

..

يصبح علينا الصبح آلات

نلقى القلوب بتدوب فيها..

..

عاشقين ترابها مهما كان

و بيجرى عشقها فى دمانا..

..

ينزل مطر يملى الأركان

نقول ده خير هل و جانا. 

..

خليك بعيد عننا يا جبان

يا كل العيون الشمتانه..

..

قول للجزيره و للإخوان

احلامكوا خلاص فى خبر كان..

كلمات الشاعر 

خالدعبد المعطى

Khaled Abdelmoaaty