أغسطس 27, 2023التقليديوالله وقادر تتعجرف … الرئيسية رواد الشعر التقليدي والله وقادر تتعجرف … كلمات الشاعرة عفاف أحمد التركى والله وقادر تتعجرف.. وتِسِل مشاعرك من جيبي وبتضرب بيني وبينك سور وانا شُوقي جسوووور وقلبي بيضعف يا حبيبي فبلاش م الجزر التكعيبي وما تحسبهاش.. ماتحطش خطّك تحت الشرط اسمح لي بلاش.. في عيونك جنة ونار وحصار وفي قلبي ردار لاقط روحك دلوقتي بتقراني وتضحك .. سامعاك بوضوح شفّ جموحك غمّضت عينيك برموش قلبي ورقيت المعني اللي جرحته بخّرت الشِعر ..وسرّحته فـ فتن لي عليك انك سرحان وانك بتسوقها كشغل جنان وانك زعلان منّي وشايل فـ يا قلبي خلاص هاتها جمايل وان مال الخِل انصب طوله واجمع له ورود احلي جناين مافيناش من فخ ولا كماين ولا مين يتصيّد اخطاءنا بالراحة الحب هـ ينطقنا ويوشوش ليلنا بكحل عينيه ما اعرفش دخلت فـ قلبي ازاي ؟ ولا عارفاك جوه بتعمل ايه؟ يا سعادة البيه .. يا فتوة وفارد عضلاتك ومخايل قلبي رايح ..جاي فعلاً ..حبيبتك من قلبي وعزفتك سولوو ..و رِق وناي انا حافظة الكلمة اللي فـ عِينك هتقولها ازاي.. والربكة الحاضناك بهداوة انا شمّة النفس المتوتر واللفتة لو فيها شقاوة .. حقك علي عيني يا نور عيني تستاهل قلبي كمان واكتر لو يعني هنلعبها … غ ل ا و ة. ……………………………… كلمات الشاعرة عفاف أحمد التركى المقالة السابقة « قلبي الخضر » للشاعرة چيهان أحمد النجار المقالة التالية وفجأة وانت على غفلة ...
