التجاوز إلى المحتوى
بقلم الشاعرة … فاطمه علام
العيش والملح …
وفين العيش ؟!
وفين الملح ؟!
ومين سبب العذاب والجرح ؟
وفين عمري
اللي نازف ويل
من القسوة
وانا بروحي
أغير له
وفين صوت النحيب والآه
وأنا أجري عليه
بدمع القلب قبل العين
وأقطر له
مافيش ولا حاجة كانت فيا
من ريحتك؟!
مافيش ولا ضحكة من زمني اللي هاجرني
كانت مرسومة ع الميه ف خيال الروح
وموج رغوتها من ريحتي؟!
مافيش حتى خيال
منك يونسني؟
خلاص امشي
أنا كرهتك
ولا عاوزة أشوف صورة ملامح ليك
ولا عاوزة يصادفني نسيم ريحتك
يا فايت قلبي وحداني
لأحزاني وحرماني
جاوبني لو معاك الرد:
مافيش ليلة وبدلت القمر بيا؟!
مافيش مرة لقيت من قلبي حنية؟
مافيش حاجة خلاص بتفكرك بيا
يا ريتني ف يوم
ما ريّحتك
يا ريتني سيبت أوهامك
تموت جواك
بدال ما اقعد ألوم قلبي اللي حبك يوم
وأقول بدموع ما بتجفش على خدي
خسارة العيش….
خسارة الملح…
يا ريت سببت لك 100 جرح
ساعتها بس كنت ارتاح
ولا يموت الأمل فيا
هنيالك
هنيالك
ما عندي يا سيدي نية لك
يا ريت تسمع هأقولها لك
أنا ف عيشي بزيد الملح
وكنت تقولي ناقص ملح!!
وبسأل ليه عصير إحساسي
ما تمرشي؟!
عشان قلبك بقى بايع
وخان العيش كأنه عليا كان مرشي
وكب الملح
ف جفوني
ومن يومها
عيوني خلاص مابتشوفشي
بقول ربك كريم يشفي جراح الروح
ويقلع من صميم نفسي
سنين راحت وانا عايشة ف وهم كبير
خلاص امشي
راح أخد حتة من قلبك
واخليها تفكرني
عشان يمكن أفوق منك
واسك الباب
وأروح لبعيد
وقلبي عن أساك يمشي
كلمات الشاعرة
فاطمه علام
أبلة فاطمة
