التجاوز إلى المحتوى
كلمات الشاعرة
حنان شاهين
ماهيش عايزة تجى القصايد
سيبيها
هاتجى براحتها
هاتعند شوية
و تبعد شوية
لكن فى النهاية
أكيد جاية جاية
و آه لما تجى القصيدة بمزاجها
و تفضل تحايلك
و تشغل خيالك
تجيلك فى صمتك
فى عز انشغالك
فى نومك
فى صحوك
فى حزنك
فى فرحك
تفاجئك فى لحظة
كطلق الولادة
مفيش للقصيدة
قانون أو شهادة
مفيش ليها منطق
و لا ليها عادة
فسيبى القلم
و لمى الورق
مفيش أى داعى لهذا القلق
هاتيجى القصيدة .
كلمات الشاعرة
حنان شاهين
Hanan Shahin
