التجاوز إلى المحتوى
كلمات الشاعرة
زهرة الجوري
فكرتني ضحكتك
لما كان حضن اللمة يضمنا
ووقت الفرح الكل
بالحب جاي يبارك لنا
طيبة زمان محتاجينها
ووقت الأزمات
الكل واقف جنبنا
فاكرين زمان ؟
الشهامة كانت طبعنا
محفورة جوه قلبنا
عايشين علي ذكريات بيوتنا
وضحكة صبانا وعمرنا
تحس الكل أهلك صغير وكبير
وتجمعنا الفرحة كلنا
نفسي ترجع القلوب ترافق
كل خطوة في دربنا
فاكرين زمان ؟
لما كان عم حسين
يقعد وينصح كل الشباب
والكل يحضر يسمعه
ونزعل عليه لو مره غاب
طيبة وحنية قلوب
مش موجودة في أي كتاب
الكل يوبخ المتهور لو سب
أو فكر مرة عاب
فاكرين زمان ؟
ريحة اللمة في الأزمات
وفي حنة صباح
الكل يهني بالشربات
أيام جميلة مرت
وفيها أجمل الحكايات
فكرتني ضحكتك الحلوه
باللي فات
فكرتني بأجمل الذكريات
كلمات الشاعرة
زهرة الجوري
