التجاوز إلى المحتوى
كلمات الشاعر
أشرف البنا
باشوفه الضل
وقلب الفل
بتتعطر حيطان البيت
منين مايهل
وبتزغرط ستايرها
ترق ودانى واحايلها
بلهفة أب ينده لى
يادرة باقية من أهلى
وصلت وجيت
اقــولك ايـــه ؟
ورب الكعبة يامحمد
أنا أتجنيـــت
مانيــش عــارفة
حدود قلــبى براحها لفيــن
أنـــا ضــــدين
جمعــت الـذنب والتوبــة
ورافعة الراية بالتحكيم
ف عاركــة حب منصوبة
على دكــة صوان فرحة
أنا ســارحــة
فى ليلــة وحدة بكرية
صحيح هاتفوت وهاتعدي
وانـــام ازاى بحرية ؟
أنام ازاي ؟
وميــن يقاسمــنى بـق الشــاى
وميــن يــاخد .. وميــن يــدى
ومين بالنظــرة هايشقر
ياليل أخضر
كلمات الشاعر
أشرف البنا
