التجاوز إلى المحتوى
كلمات الشاعرة
شيرين ابو عميرة
يوميات مسافر …
……………….
شال همه في شنطه
وقام مــــاشي..
بيدور ع الحلم الضايع
حلمه…مجاشي
شال ضحكه ابــــوه
أمه واخــــوه
شال كوره شــــــراب
صوره لاحباب.
وسأل ع الفرح معداشي
وسنين العمر ماتنعدش
شال حب سنين..
في القلب العاشق
إللي مانامشي
اعصار جواه.. في صور ه
انسان…شال حمل جبال
وسواد الليل من غير
قمره…شال صبره… في
كتاب الدنيا…ماهي دنيا
وفانيه..ماديماشي..
وعيونه تملي بـــــــدمعتها
والناس شايفاها بلمعتها
ولاحد في يوم حس بحاله
والبخت في مركب ومسافر
مع ناس بتحاول وتعافر
واللي يعافر محدوف ع الشط
تحدفه ايامه تشيل وتحط
مؤمن منصاب..
يدعي المولي
لوحتي يعدي الحلم سراب
دايما مكسور..مستني
الجبــــر من الخالق.
ولاني البسمه تملي معاه
في ملايكه من الرحمن
جمبه….بتحاوطه وبتخفف
عنه…وتملي بتحرس خطاويه
سخرها المولي حبا فيه
العبد الصالح في الدنيا
دايما…تكفيه……
طبطبت المولي
علي كتافه
كلمات الشاعرة
شيرين ابو عميرة
