د عصام أبو دنيا يكتب:فوانيس رمضان

. (فوانيس رمضان)
د/عصامأبودنيا
.. لوحة غنائية
،،،،
(الاطفال يتزاحمون حول محل عم خميس الذي يبيع الفوانيس المستوردة،، بينما يجلس عم عويس امام دكانه للفوانيس النحاس،، متحسرآ)
طفله 1: عايزه فانوس بيكبر
خميس : آدي فانوس بيكبر
يجرب الفانوس
الفانوس: الله اكبر،، الله اكبر
تركض الطفله فرحه بالفانوس
طفل 1:هاتلي فانوس بيقول حاللو
خميس: وآدى فانوس بيقول حاللو
الفانوس: حاللو، يا حاللو
(يركض الطفل فرحآ بالفانوس)
طفله 2:عايزه فانوس بيقول وحوى
خميس: آدي فانوس بيقول وحوى
الفانوس: وحوى يا وحوى،،، الياحه
(تركض الطفله فرحه بالفانوس،،، تتداخل نغمات الفوانيس المختلفة)
طفله 3: عايزه فانوس بيقول كمن ننه
خميس : وآدى فانوس بيقول كمن ننه
الفانوس: كاتش كادر في الآلولو
كمن ننه
تركض الطفله فرحه
عويس “هائجآ “: دي مش نغماتنا
دي مش الحاننا
حرام عليك
ضيعت عيالنا
خميس: خليك في حالك
يا عويس
حاول تبيع لك
كام فانوس
عويس: الرازق الله
ياخميس
الزم حدودك
خليك حريص
(يجلس عم عويس غاضبا،،يدخل زين ابنه)
زين: انا برضه يا آبه
عايز فانوس
عويس: خد لك فانوس بتاع زمان
نحاس أصيل وليه بيبان
و العب وغنى لرمضان
زين: راح يضحكوا
يا آبه العيال
يستهزءوا
بيا العيال
عويس : اسمع كلامي
وروح يا زين
ينضم زين الى الأطفال وهو يغني
زين : حاللو يا حاللو
رمضان كريم ياحاللو
(الأطفال يضحكون،، يدورون حول زين بفوانيسهم المستوردة،،تتداخل اصوات نغمات الفوانيس المختلفة)
الأطفال: يا فانوس يا نحاس
حلو ومنقوش
مالك محتاس
بين الفوانيس
،،،،
ليه مابتغنيش
ما تقول يا فانوس
قول فك الكيس
وأدينا بقشيش
،،،،
والشمعه تسيح
عمرها ما تعيش
ماتغنى بأه
لا تروح ما تجيش
(الأطفال ينفخون في الشمعه معآ،،تنطفئ الشمعه
الأطفال: هيييه
يغادرون المسرح وهم يضحكون)
،،،،،،،،
(د/عصام ابودنيا)
،،،،