تاه بينا الطريق …

   كلمات الشاعر

المهندس / إسماعيل منصور

تاه بينا الطريق 

ولا

تاهت خطاوينا

يا طريق

مكتوب علي أوله

إنه

لبكره يودينا

هناك 

ها نلقي الأمل

ومعاه أمانينا 

يا طريق

و فوق أرضك 

إترسمت خطاوينا

في غدونا ورواحنا

في ليلنا وصباحنا 

وضاعت أسامينا 

يا طريق

غدرت بأحلامنا

ضيعت أيامنا

وفي نهايتك

لقينا اليأس قدامنا

واقف علي البيبان

فوق الحيطان

حس بأمان

قتل الأمل جوه الصدور 

وسرق أحلامنا

ليه يا طريقنا 

ليأسنا

تسلمنا 

.. نزلت دموع العين

تحكي أوجاعنا

جمعت آلامنا

في ماضينا وحاضرنا

وخافت علي بكره

تخدعه أوهامنا

.. بتشكي وتوصف

بتطلب وتسأل

رحمة لأحلامنا

.. ليه يا طريق

خدعت أحلامنا

باركت أوهامنا

قاصد تضيعنا

ولا إنت يا طريقنا

كافر بأحلامنا

         كلمات الشاعر

المهندس / إسماعيل منصور