انا كنت عبيط …
انا كنت عبيط …
**”*******
كلمات الشاعر
محمد جمعة
ابصم بالعشرة انك داهية …
و انا كنت عبيط
وانك لئيمة و مش سهلة …
وكلك تحاويط
طلعت بيكِ سما سابعة ….
ورفعت قيمتك ١٠٠ مرة
رسمت صورتك على كفي ….
و قلت حورية
اتاريني مش داري لإني …..
فيكِ اتخميت
( يا مراية الحب العامية طظ )
و طظ ف عيني كمان مرة …..
بعدما طبيت
راحت عنيا و رجعت لي …
وهي مشيت مش راجعة ….
بعد انا ما صحيت
ملعون يا قلبي لو تصفح
انا مش ح اسامح مش ح انسى
لو انت نسيت …..!!
ح سد شرياني بإيدي ….
و حلفت ما ف يوم ح تعودي
والله ما ح تفوت
صدقت تسبيلة عينها …. !!
ومشيت ورا سِحر كلامها
اتاريني مخدوع و مغفل ….
لما استحليت
سديت وداني للكل
و حسبت المستنقع فُل
كدبت الناس و صدقتك
انا كنت بيكِ اتحداهم ….
ايوه اتحديت
يا ريتني ما كنت حبيتك …
من قلبي ياريت
قالوا عني ( طايش مجنون ) ….
قلت عوازل
جاني شك ( فيكِ وظنون ) …
كنت اتخاذل
حلفت بيكِ و بحبك …..
كنت انا مخبول
و خاصمت ناس كت فهماكِ …
و انا كنت عبيط
و ياريتني ما كنت حبيتك ….
يوم و اتخميت
ابصم بالعشرة و بالعشرين ….
انا كنت عبيط
*************
كلمات الشاعر
محمد جمعة
Mohamed Gomaa
رفعت للتصميم
