✍️ كلمات الشاعرة

    امال عبد العاطى

هيا .هيا نفس الحكاية

كل يوم 

نكتب حروف وتتمسح 

ياروح. الروح

نتقابل ونفترق

نتمني ولا نبوح 

ويتحشر الكلام 

سكت….مفيش لوم

واتقفلت علي صورتك

الجفون….

نبات نحلم بالحقيقة 

ما نلاقيها….

دموع ياعيون

نتخيل الزمان

 لو رجع

من تاني بينا

نلاقي الورد دبل 

بس لسه ريحته فيه 

والاحساس بالشوق

 مالينا

طب ونعمل ايه

 هي السنين 

غيرت فينا الملامح

عجزت ايدنا

 ع السلام

ليه الاحساس ديما

 غاضب 

عاوز شموع وكأس

الشموع حلفت

 ما تأيد

والكأس نشف 

بس الحنين بيزيد

نعمل ايه

اقولك ……

ياقلبي خلاص 

بقي صورة وملامح 

من غير احساس

عاجز …حيران ياقلبي

طب خبي 

ولا قول بصوت عالي 

رافض سكان 

أجمل عبارة كاتبها قلمي

سجلتها ف الديوان

بحبك مها الزمن عدي

بحبك رغم الشعر اللي

 شاب 

رغم بياضه علي جبينك 

بينور زمني اللي

 جاي

ياريت تفضل حقيقة

ما يمحيها

 الزمان

✍️ كلمات الشاعرة

    امال عبد العاطى

Amal Grad