ممنوع الحب …
ممنوع الحب
كلمات الشاعرة
سناء البنا
قررت خلاص ابعد عنك
ولا خير ولا شر يجيني منك
ولا يبقي مكان ليك جوايا
ولا تخطر مره في هوايا
لا أجيلك واسأل و أدور
ولا يوم من تاني أشيل همك
ومدام كداب أوي وتحور
ف ماعدش القلب يميل يمك
قررت قرار ومفيش رجعه
ممنوع الحب ولا الإخلاص
مش ناقصه أشوف ألاعيب خادعة
شطبنا الطِيبة معاكو خلاص
وان كنت ف يوم حبيت قربك
دلوقتي خلاص بعلن أسفي
كات غلطه وكنت انا موهومة
وطلعت ف حبك مظلومة
فياريت تبعد وبلاش منك
والقصة آهي صبحت محسومة
كلمات الشاعرة
سناء البنا
رفعت للتصميم
